ناوي أعمل سلسلة مقالات عن مشاكل تقنية قبلتي في الشغل وازاي حللتها وحلتها. السبب في التفكير في كتابة السلسلة دي هي اني بشوف developers كتير ممكن يكون عندهم معلموات تقنية كويسة بس مش عارفين ازاي يستغلوها وممكن يبقة الحل واضح قدمعم بس مش شايفينه لانه بسيط ومش متخيلين ان الحل ممكن يبقة بالبساطة دي.
Continue reading
بحكم الخبرة في الشغل بـ WordPress والتعامل مع عملاء كتير و انتشار الـ Platform الجبار ده بشكل رهيب لدرجة ان في شركات Hosting متخصصة في Hosting WordPress Website بس وده Business بملايين الدولارات ووجود كمية Online Learning Resources Free and Paid … بالرغم من كل ده الواحد ينبهر بكم الـ Developers اللي بيعموا حاجات غريبة وأفكار غلط خالص بخصوص الـ WordPress و مجال الـ Web Development بشكل عام … ممكن يكون راجع لسوء الفهم او التقدير الغلط بس دي سمة مشتركة في نسبة كبيرة من الـ Developers.
عشان كده حبيت أكتب عن أكتر الحاجات الغلط اللي بيعملها WordPress Developers أو Web Developer بشكل عام.
Continue reading
PHP 7.0 على الأبواب خلاص ومخطط نزول النسخة النهائية Stable Release في شهر نوفمبر 2015 ومعاه بقة شوية حاجات جامدة جدا وهتفرق بشكل ملحوظ في الشغل وفي المقال دي هحاول أجمع الحاجات المهمة اللي محتاج تعرفها.
Continue reading
في حاجات كتير بتتغير وبتتطور بشكل كبير وبصورة سريعة في الـ PHP خصوصاً في اخرنسختين 5.6 و 5.5 ودا راجع للتطور الكبير اللي بيحصل في مجال الـ Web عمتاً … وعشان كده حبيت اوضح شوية حاجات أتغيرت وأتطورت ( المهمة بالنسبالي على الأقل ) في اخر نسختين.
PHP واحدة من اللغات اللي تتطوت على مدار السنين وكل تحديث او نسخة جديدة تنزل بيبقة فيها جديد وتطوير. المشكلة لانها لغة سهلة ومن نوع Weakly-typed مش Strongly-typed زي JAVA او C# مثلا … فا دا بيأدي لنوع من البرمجة الرقيقة او اللي فيها “عك” شوية بمعنى اصح … الموضوع ده موجود في كل اللغات مش في ال PHP فقط … بس اللغات اللي زيها بيبقة الموضوع رخم حبتين خصوصا في الأول وبتبان قوي لو واحد لسة بيتعلم برمجة وبيطبق على لغة زي PHP او Python.
وعشان الموضوع يبقة مفهوم اكتر اللغات اللي زي PHP و Python و Scala معملوه بمفهوم انها متجبرش اللي يشغل بيها على حاجة يعني خليه برحته يا برنس ومتخنقش عليه. بس ده على اساس انه فاهم Programming Concept كويس على الاقل.
في الاول والاخر لغة البرمجة دي بتبقة عبارة عن أداة بيستخدمها المبرمح عشان يعمل بيها الحاجة اللي عاوزها. فمينفعش تقول اللغة الفلانية احسن من اللغة العلانية لمجرد انك شوفت حاجة معمولة باللغة العلانية دي وكانت بايظه او بطيئة.
عشان كده لازم يبقة في زي قواعد او اساسيات الناس تتفق عليها عشان يبقة جودة الحاجة اللي بتتعمل كويسة من كل النواحي. القواعد دي الـ community هو اللي حطها ودي ميزة مهمة جدا جدا لانها بتبقة نتيجة خبرة ناس داست جامد في الشغل باللغة وكمان انت مش ملزم تلتزم بيها خالص وتعرف تلعب برحتك … بس اعمل حسابك ان في احتمال كبير جدا انك مش الوحدي اللي هتشتغل على ال project وغير كده كمان انت ممكن تعمل حاجة وتيجي تبص عليها بعد شهر واحد متفهمش حاجة وتحس ان في حد جه من المريخ سيطر على دماغك 😀 … عشان كده برده موضوع ان الواحد يمشي على قواعد واساسيات معينة كويس وفي نفس الوقت ممكن تغير فيها بشكل يناسبك ويناسب غيرك.