في المصر والوطن العربي العمل الحر Freelancing بيواجه مشكلة كبيرة في التعامل مع العملاء العرب وهي التواصل Communication !!! من الممكن تكون تجربتك مع الـ Freelancers كويسة جدا وتنجز شغل كويس جدا وفي نفس الوقت ممكن تكون تجربة مريرة وتخليك كاره الـ Freelancers.

دا بيبقة راجع لأنك ( العميل ) مش فاهم صح دماغ الشخص اللي بيشتغل حر وليه هو اختار انه يشتغل بالطريقة دي وعشان كده لازم تعرف ازاي تتواصل معاه صح Communicating Effectively. دي نقاط اساسية في التواصل مع الـ Freelancers للحصول على افضل مستوى من العمل ويبقة انتوا الأتنين مبسوطين وفي رضى عن الشغل.

1. وضع قوانين للتواصل Communication Rules

نقطة أساسية في التعامل مع الـ Freelancers هي تحديد مواعيد أو أوقات معينة للتواصل … معظم الأحيان يتصور العميل إن الشخص الحر بيبقة متواجد online طول اليوم 24/7 ودا طبعا مبيحصلش خصوصا لو بتتعامل مع شخص جديد لازم تسأله بيبقة متواجد online امتى عشان ميحصلش لبس.

فروق التوقيت مهمة جدا انها تبقة في الحسبان خصوصا لو الفرق كبير. كمثال لو انت في كندا والـ Freelancer في مصر … يبقة لازم تعمل حساب انك لو بعتله mail او كلمته الساعة 6 بليل عندك وهردش يبقة عشان التوقيت عنه الساعة 1 الصبح مش عشان منفضلك.

2. أكتب على قد ما تقدر أحسن من 100 مكالمة

من خبرتي في الشغل والعمل الحر وفي مجال بالبرمجة عموما الشرح المكتوب احسن بشكل كبير جدا من الكلام … أنت كعميل الموضوع ممكن يبقة صعب وتفتكر انه هيضيع وقتك لكن العكس صحيح تمام لأنه بيوفر وقت كبير جدا وبيوضح كل حاجة خصوصا لو كل التفاصيل مكتوبة وواضحة بتخلي اللي بيشتغل متخيل وفاهم كل حاجة اللي انت عاوزها من قبل ما يبتدي في الشغل ودا طبعا بيساعده على تنفيذ المطلوب بشكل صحيح وبجودة عالية.

3. متحولش تتحكم فيه او تفتكره شغال عندك

لو انت متعود يبقة في ناس شغالة عندك بشكل دائم Full time وفاكر انك اللي بتعله معاهم تقدر تعمله مع الشخص الحر يبقة انت فاهمه غلط … من ضمن الأسباب الأساسية اللي خلت الشخص ده يشتغل حر هو انه بيحب يبقة برحته أو يبقة في مساحة من الحرية انه ينظم حياته وشغله على طريقته … فلازم يبقة عندك استعداد انك تديله الشغل وهو هيخلصه وممكن تتابعه كل كام يوم أو حسب اتفاقك معاه من غير ما تخنقه وتكلمه كل يوم في التليفون … ودا بيبة من اكتر الأسباب اللي بتخليه يسيب شغلك او ميعملوش او ميكملوش أنك مش مديله الحرية اللي هو محتاجها عشان يقدر يشتغل.

4. متضيعش الوقت في الكلام كتير

العمل الحر هو العمل بالساعة وبالتالي وقت الشخص ده بيبقة قيم جدا لأنه ببساطة مصدر دخله … انت ممكن تكون متعود تكلم الموظفين اللي تحتيك بالساعة في التليفون إنما بالنسبة اللشخص الحر ده بيبقة تضييع للوقت لو كل اللي بتقوله ده كتبته في mail وبعتهوله هيبقة اسحن 100 مرة ومضيعتش وقتك ولا وقته … ده بيبقة سبب فظيع في فشل العمل مع الـ Freelancers.

5. حدد مواعيد لتسليم على مراحل والمتابعة

طبيعي انك لازم تتابع شغلك وتشوف ايه اللي تم وهل تم صح زي ما انت عاوز ولا لاء بس لو المشروع بتاعك صغير وهيخلص في وقت قصير يبقة مش محتاج انك تعمل كده إنما لو المشروع كبير يبقة لازم تتفق مع اللي هيشاغل على مواعيد للفحص Progress Reports والتسليم على مراحل Milestones ودا بيساعد على كشف المشاكل وحلها أول بأول وفي نفس الوقت هتبقة مطمأن على مشروعك وإن الوقت مبيضعش على الفاضي … كمثال لو المشروع كبير وهيحتاج مثلا شهرين شغل يبقة في كل نهاية اسبوع تقرير وكل اسبوعين يبقة في جزئية خلصت تراجعها.

6. خطط للمشورع كويس قبل ما تشغل حد معاك

عشان الوقت بالنسبة للشخص الحر قيم جدا لأنه بيشتغل بالساعة فا لازم قبل ما تكلمه على شغل تبقة مرتب كل حاجة خاصة بالمشروع وتبقة عارف تفاصيله وحتطله خطة واضحة وفي نفس الوقت لازم تبقة عامل حسابك انه ممكن ميكونش متاح او عنده مشاريع تانية شغال عليها ومش هيقدر يشغل على حاجة تانية في الوقت الحالي فلازم تبقة واضح معاه في الخطة الزمنية لمشروعك.

الخلاصة

انت ممكن تكسب وتعمل شغل كويس جدا من الشغل مع الـ Freelancers وفي نفس الوقت ممكن يبقة منيل بنيلة و متبقاش عاوز تشتغل مع شخص حر مرة تانية ودا بيبقة في معظم الأحيان راجع للنقاط اللي قولت عليها وعشان ده ميحصلش ومتضيعض وقتك وفلوسك حاول بجدية تتبع النقاط دي وهتحس بفرق كبيرة جدا.