اكتر الحاجت الغلط اللي كل WordPress Developer بيعمها

Standard

بحكم الخبرة في الشغل بـ WordPress والتعامل مع عملاء كتير و انتشار الـ Platform الجبار ده بشكل رهيب لدرجة ان في شركات Hosting متخصصة في Hosting WordPress Website بس وده Business بملايين الدولارات ووجود كمية Online Learning Resources Free and Paid … بالرغم من كل ده الواحد ينبهر بكم الـ Developers اللي بيعموا حاجات غريبة وأفكار غلط خالص بخصوص الـ WordPress و مجال الـ Web Development بشكل عام … ممكن يكون راجع لسوء الفهم او التقدير الغلط بس دي سمة مشتركة في نسبة كبيرة من الـ Developers.
عشان كده حبيت أكتب عن أكتر الحاجات الغلط اللي بيعملها WordPress Developers أو Web Developer بشكل عام.

1- الدنيا كلها WordPress وخلاص

WordPress Everywhere

زي ما قولت بسبب انتشار الـ Platform وسهولته بالنسبة للعميل و للـ Developer بس برده هو في الأول وفي الأخر مجرد Tool يعني مش هي كل حاجة ومينفعش تيبني شغلك كله عليه وتحاول بكل قوتك انك تقنع العميل بيه وانه رائع وجميل ومجاني ومش عارف ايه … اعقل الدنيا وبلاش التحيز الأعمى ده … شوف الـ Project احتياجاته ايه وايه اللي بيقدمه الـ WordPress وهل هتحتاج اللي بيقدمه ده في الـ Project ولا لاء … بإختصار متضيقش مخك وتحشر نفسك في حاجة واحدة من غير ما تعرف الدنيا فيها ايه.

2- WordPress حلو وجميل ورائع وكذا وكذا وكذا … SHUT F**K UP

I dare you!

العميل ميهموش ان الـ WordPress مجاني و Open Source و Extendable ومش عارف ايه … والله ما يهمه ومش لازمه انه يعرف … المهم عنده ان حاجته تخلص وفي الوقت المحدد بالتكلفة المطلوبة وطبعا من غير نقاش يبقة بتعمل المطلوب بكفاءة عالية … طبعا في عملاء بيبقة عاوزين شغلهم يتعمل بالـ WordPress ولو كده يبقة خلاص … بس خد بالك في عملاء بيبقوا عاوزين كده لمجرد كده وخلاص مش أكتر وده ممكن يزنقك في الشغل لان الـ WordPress مش مناسب للـ project بتعهم … فا خد بالك من الحتة دي كويس جدا.

3- الـ Content مشكلة العميل

Confused

العميل كل اللي يهمه ان الـ Content بتاعه يظهر بالشكل حلو وكويس وسهل التعامل معاه وكمان يبقة سهل انه يعدله ويضيف ومسح زي ما هو عاوز … دي بقة النقطة الكارسة ان الـ Developer بيهتمش ان تبقة الحاجت اللي بيعمها تبقة سهلة ان العميل يستخدمها من غير مشاكل او تعقيد على الفاضي … وده بيرجع بشكل كبير لسببين … الأول عدم تقدير قيمة المحتوى والتاني الاستسهال أو الكسل في ان الـ Developer يتعب شوية في ان يخلي شغله سهل التعامل معاه.

4- مبتعرفش تبيع او تسوق لشغلك

I Rock

في عالم معتمد بشكل اساسي على الدعاية والتسويق لو فضلت قافل على نفسك من غير ما تعرف تسوق لشغلك كويس هتخصر كتير … تخيل لو عملت Project بـ 500$ في شهر … هتبقة عاوز تعمل شغل أكتر وأكتر عشان تكسب أكتر وده هيخليك تاخد وقت ومجهود أكبر وفي الأخر هيخليك تقصر في الشغل وتخصر عملاء ( لسة مقروص من الموضوع ده وخصران مشورع كبير وعميل أكبر بسبب الضغط لأني زنقت نفسي “بالرغم في الخبرة” ) انما لو عملت نفس المشروع بـ 2000$ في نفس المدة … هتبقة النتيجة ايه؟ واخد رحتك أكتر ومش محتاج تزنق نفسك فبالتالي هتعمل شكل أحسن بجودة عالية والعميل هيفضل معاك ويجبلك شغل وتشتغل أقل وبتكسب أكتر.

5- مش عارف مين العملاء بتوعك

rabbit hole

من أكبر الغلطات اللي بيقع فيها الـ Developers هي انهم مش عارفين من العملة بتعمهم (مع ان الوضع مش كده) … ساعات بتحصل وانت مش واخد بالك انك حاصر نفسك على نوعية عملاء معينة وتشتكي انك مش لاقي شغل او مش عارف تجيب عملاء … عشان تحل المشكلة دي محتاج تفتح دماغك أكتر وتدرس السوق بتاعك وتقسم العملاء وتحدد أنوعهم ومين المناسب ليك بعد الدراسة.

6- مبتعملش حساب خدمة ما بعد البيع

brace yourself

دي من الحاجت اللي وقعت فيها كتير وأكلت وقت كتير جدا على الفاضي وهي ان الواحد بيتخيل انه مجرد ما يسلم المشروع هياخد فلوسه واشطا على كده … صح ؟ … غلط كبييير … أغلبية الشغل بيبقة في وقت متابعة وتعديلات وتصليحات بعد التسليم ودي ممكن توصل نفس مدة تنفيذ المشروع نفسه … فا انت لازم تعمل حساب حاجة زي كده وتحاسب عليها لأنها شغل ووقت وله تمن … فا لو قولنا المشروع بـ 500$ يبقة 400$ هم وقت التنفيز والباقي لخدمة ما بعد البيع ودي برده بتبقة نسبية حسب العميل وحجم ونوعية المشروع … النقطة دي هي اللي هتضمن ان العميل يرجعلك تاني أنه شافك مهتم بشغلك وجودته.

7- عاوز يهوب يغطس من غير ما يتعلم العوم

you wanna tell me!

دايما في استعجال في كتابة الكود من غير تفكير او تخطيط للمشكلة وحلها … ممكن الواحد يقعد يكتب في كود أسبوع عشان يحل مشكلة تتحل في يومين ( يوم تفكير وتخطيط ويوم كود ) … ده اللي بيحصل فعلا.

8- ما هو العميل عارف

aaaaaaah

ياختيييييي … أكبر غلطة انك تفترض ان العميل عارف حاجة أو عاوز حاجة وتبني شغل على أساس افتراض من دماغك من غير أدلة ملموسة أو تسأل العميل وتاخد اجابة صريحة … كل اللي عملته يقع على طول.

الخلاصة

satisfied

ركز في المشروع واحتياجاته كويس جدا وايه المناسب ليه من الـ Tools المتاحة او تعلمها Tool مخصوصة وركز في ان اللي بيتعامل مع المشروع مجرد واحد عادي مش Technical وأعرف نوعية العملاء بتوعك واهتم بخدمة ما بعد البيع كويس جدا.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.